قصيــــــــدة مختــــــــــــــــــارة

[الممنوع مرغوب]

الســــــلام عليكم ورحمته الله وبركاته :





(يا هيه, ماحطيت لصدوغي وساده

وأتوخر كل ما انكف الظلالي

ولا خذيت النوم في المشراق عاده


أطرد العيشة و أبي مكسب حلالي

فوق أخو فلفا و أكمل له عتاده


محتس فيه الأواني والدلالي

في مشاهي نجد وامشي في براده


كل ما هب الهوى ينساح بالي

والفتى لا عاد ما يغلي بلاده


ما يجي في ديرة الأجواد غالي

حالف ما أرضى لنفسي بالزهاده


دام ماحطيت في قبر هيالي

من مدارس (بول) حصلت الشهاده


قبل دله يفتحون لها مجالي

أشتغل واخذ بيمناي الزياده


ماخضعت لمشرف مثل النعالي

ولا طلبت مساعدة صاحب سعاده


ولا طلبت معاونة صاحب معالي

اطلب اللي رحمته تشمل عباده


كافل الارزاق يعلم ما بحالي

ربي اللي يرزق عيال الجراده


لا رمتهم بالخلا من غير والي)



هذي قصيدة لإحد الشعراء كان يورد على فلفو

وبول اللي مر ذكره بالقصيدة هذا اللي أختبره

عشان يعطيه الرخصة في أرامكو لأنه كان يشتغل

فيها قبل ....


أرجو أن القصيدة تعجبكم إن شاء الله
مع تحيات الممنوع مرغوب

[السامر]

صح لسان يالممنوع مرغوب

[الممنوع مرغوب]

شكرا على مرورك يافارس
هذه ما قلتها هذه ماخذها من موقع ومنتدى مكشات

[هزمني شوقي للديره]

الله عليك وصح لسانك والله يخليك يارب ولا يحرمنا من مشاركاتك الرائعه

[فديتك يا نعام]

الممنوع
مشكور على النقل الجميل
يعطيك العافيه يالغالي

[البنوته]

الله يعطيك العافيه على المشارك الجميله

[الممنوع مرغوب]

مشكورين على المرور وانشاء الله الجاي أكثر