من قصص تجار الاسهم

[السامر]

السلام عليكم والرحمه
احب ان امتعكم قليلا ببعض قصص اهل الاسهم الموجودين عندنا في السعودية
قصه 1-
احد ضغار المستثمرين استدان مبلغ 500 الف من قريب له ريال وباع سيارته التي أخذها بالدين بخسارة 7000 ريال وراتبه لايتعدى ال2800 مع الزياده وقال يؤمل نفسه الرجال يقول ابصير تاجر زي الناس مادرى انه مديون خمسمية مع سيارته اللي ماخذها بالدين وقبل الانهيار القبل الاخير شرا اسهم في اللجين على 590 ريال
وفي المكيرش على 380 وفي ينساب على 630 ريال بقيمة 530.000 ريال قعد اسبوع يحسبهن بيجيبن له فايده انهار السوق وانهارت اعصاب الرجال والان الرجال يرقد في مستشفى الامراض العصبيه بالرياض واشوا انه ما ظهر في المستشفى علشان ماتجيه جلطة والا يموت عقب الانخساف الاخير المقدر باكثر من3000 نقطه
ــــــــــــــــــــــــــــــــــــــــــــــــــ ـــــــ
قصه2-
احد الاشخاص وقت يوم ما كانت اسهم المواشي ب113 ريال دخل على على احد كبار المضاربين في السوق السعودي وقام وحب راسه وقال له يا بو فلان انا طالبك طلبه قال امر قال انا ابي ادخل في المكيرش تنصحني
قال اشتر باللي معك وعقب اسبوع بع الرجال ماصدق وراح وشرا بقيمة 113 الف ريال يعني الف سهم يوم جاء عقب اسبوع وصلت المكيرش 377 ريال قبل الانهيار الاخير وباع الرجال كسبان بقيمة 254 ريال في اسبوع واحد

[السامر]

أرجوا من الاخوة الاعضاء عند المرور ان يذكر قصه عن اهل الاسهم

[فديتك يا نعام]

هههههههه
مشكور يا فارس
بس والله ماني هامور اسهم ولا نيب اروح لصالات الاسهم ؟؟؟؟؟؟؟؟؟؟؟

[السامر]

بس يا اخوي مهوب شرط
يمكن انت اجتمعت في مجلس والا قال لك احد من ربعك
وسمعت سالفه لا باس اذكرها علشان غيرك يستفيد منها

[فديتك يا نعام]

ههههههههه
بس ماقول يا فارس
انتبه لا تصفق بنعالك ؟؟؟؟؟؟؟؟
والله افهم ان الناس راحو فيها من جد بعد الانهيار ؟؟؟؟
واذكر واحد من الجماعه كان مربي غنم خخخ عند الجسر المعلق وكان مروق ويجلس كل يوم عند الغنم وكان يجونه اخوياه ويجلسون فوق راسه بع الغنم بع يا رجال والله ماتنفعك الناس كل يوم يربحون وانت ماغير تكد عليها والمهم الرجال صدق وباعهان وشرى اسهم في التعمير واول ماشرى طاحت الاسهم وخسر منها وضاق العذاب من جد والله لين الحين انه متندم وحرم الاسهم بكبرها والله يعينه ويعين الي راحو في خبر كانا ؟؟؟
مشكور يا فارس

[السامر]

وانا اذكر اثنين من ربع الوالد
واحد عنده عائلتين والرجال بخير وامورة زينة شرى له ارضين في حي الاحمدية حي فخم وتوه جديد وبناه له بيتين تكلفا عليه بحول 3 مليون ريال والرجال حط ما وراه ودونه في هالبيتين شاف الناس يخابطون في ذا الاسهم وكل حكي الناس اسهم في اسهم الدنيا صارت اسهم في اسهم قام الرجال وبعد محاوله فاشله في ان احد يشتري البيتين اللي عنده مالقى احد يشتريهم الناس الحين ماتطقطق الا في الاسهم ولا تبيع ولا تشتري الا في الاسهم وعرض البيتين ب2 مليون و800 الف وقعد شهر محد شرى ولا اصلا التفت يمه وقام الرجال مامل انه لو راح يخسر في البيتين بيجيب قيمتهن في الاسهم وعرض البيتين ب2مليون و500 الف ريال وقعد حوالى اسبوع محد شرى الرجال مل يوم توه بيعود ينزل في قيمة البيت زيادة جاه اتصال من واحد من عيال عمه قال فيذا واحد بيشتري البيتين بتبيع قال بابيع قال بكم قال 2مليون و500 الف ريال قال شرينا
الرجال باع ب2 مليون و500 الف ريال مع السعي وهو62000 الف ريال يعني
خسر في البيت 562000 الف ريال
ودخل بها في الاسهم قبل الطيحة الشينة الاوله وقعد يومين واندج السوق وراح الرجال في خرخر
لا صمد بيت ولا صمد راس ماله في الاسهم ولا صمد شي
ما صمد الا الروحه لمستشفى شهار

[السامر]

واحد من التجار اللي على قدهم باع له قصر ب6 مليون في حي البديعه علشان يدخل بها في الاسهم
لكن الشي مكتوب وراح الرجال في خرايطها مع الطيحة الاوله الشينه اللي انخسف السوق 5000 نقظة