يـــالوعــتــي - رثاء( عبد العزيز بن محمد الذواد

[زيد آل هلال]

يـــالوعــتــي
هذه قصيده في رثاء ( عبد العزيز بن محمد الذواد ) الذي لم يتجاوز الـ 16 عام والذي انتقل إلى رحمة الله صبيحة يوم الجمعة الموافق 28/11/1426 هـ ( رحمه الله رحمة واسعة )

يالوعتي من خبر يوم الأثنين = يوم زادت علي دقات جوالي
قمت اتصل يالله بفال زين = وبديت باسم الله قبل اتصالي
قالوا عبد العزيز مريض بين الامرين = اما حياة او موت ماندري تعالي
ياهلي والله علمكم ذا شين = ورضيت بامر الله وسلمت حالي
علموني ياهلي وش علة الزين = تكفون قلبي ماعاد فيه احتمالي
قالوا عليل وعلته وسبت العين = العين حق وصابته باعتلالي
هذي هواجيس من اسبوعين = والله يعلم كلامي له واتصالي
كنت اتصل بخوي مره وثنين = وهو يطمني بكثر الإرسالي
جيته وزرته ماهي بساعتين = قالوا ارجعي لاتتركين العيالي
تكفون خلوني ترى القلب نصفين = ماذقت انا النوم عدة ليالي
عودت مجبورة وقعدت يومين = وجاني الخبر اللي يهز الجبالي
مات البري ماكمل العقدين = عساه في الجنة في منزل عالي
وعساه في روضة متوسط النهرين = نهر اللبن والعسل فرح بما نالي
غلاه في قلبي ماتقسيه موازين = والله يعلم انه بحسبة عيالي
والله مانسى اخوي لو طالت سنين = والله مانساه لو الدهر طالي
عبد العزيز عقبك ترانا حزينين = يالله لطفك ياعزيز الجلالي
عزاك يابوي كثر المصلين = في جمعة صفت صفوف طوالي
فقيدنا صلوا عليه المحبين = فقيدنا يابوي بالحيل غالي
ياعزتي لمه وشلون تسلين = فقيدك غالي كبير العيالي
الله يعوضها عن الواحد اثنين = وماصابها في موازين الاعمالي
وعزاي موصول لخواني الباقين = جعله شفيع لنا يوم الاهوالي
لو البكاء بيرد فقيد العين = لبكيه من ابها لسدكم العالي
يانفس من كاس المنيه تسقين = عليك بالصلاة وصالح الاعمالي
أنا ماهقيت الشعر يسمح ببيتين = لقيته يسابق دمعي الهمالي
والخاتمة صلوا على سيد الثقلين = نبينا محمد صدوق الأقوالي

[فاقد_حنان]

الله يغفر له
ويسكنه فسيح جناته
ويلهم اهله الصبر والسلوان
*******
انا لله وانا اليه راجعون

[terkwaz]

صح لسانك يا أم زيد
أنت شاعرة وحنا ماندري!
الله يبشرك بدل الأخ باثنين..................

[شهد]

الله يرحمه ويدخله فسيح جناته حسبي الله ونعم الوكيل

["فجر"]

يا نفس من كاس المنية بتسقين ... عليك بالصلاة و صالح الأعمالي
عرفت فقيدنا الغالي ،، من أن خرج إلى هذه الدنيا و منها ..
ألحقنا الله و إياه في صالح سلف المؤمنين .. آآآآآآآآآمين آآآآآآآمين
أشهد الله على صفتين اتصف بهما ، قل أن يتصف بهما من هو أكبر منه ، فضلا عن من هو في سنه !!
1) نقاء القلب . .
و هي من صفات أهل الجنة بنص الحديث (( ألا أخبركم بأهل الجنة ؟ قلنا : بلى يا رسول الله ، قال :
كل مخموم القلب ، صدوق اللسان .....إلخ )) .
2) حسن الانقياد ، وترك الجدال ..
والحبيب صلى الله عليه وسلم يقول (( ..... ومن ترك المراء - و إن كان محقا - بني له في وسطها
"أي الجنة ، ومن حسن خلقه بني له في أعلاها )) .
و أحسبه كذلك و لا أزكي على الله أحدا .
فهو شخص غريب لم يعرف شقاوة الغلمان و لاعبث الفتيان !!
كان كالحمامة في وداعته و دفئه .....
رحمك الله و نور قبرك ،، وغفر ذنبك ،، وجمعنا بك ،، وعوضنا خيرا ..

[زيد آل هلال]

الله يرحمه ويسكنه فسيح جناته

[الفتى الذهبي]

مشكور يأستاذ زيد والله يتغمده بواسع رحمته يارب


العالمين

[البرنس]

الله يغفرله ويرحمه ويسكنه فسيح جناته

[غادة الذواد]

أجل بنت عمتي شاعرة وأنا مدري ..
الله عليــك يا بنت عمتووو [ أم زيد ] .

الله يرحــمك ياعبدالعزيز ويسكنك جنااات النعيم يااااارب :( ..

[منتى الرقه]

الله يرحمه ويسكنه الجنه

[أنثى إستثنائيه]

الله يغفر له
ويسكنه فسيح جناته
ويلهم اهله الصبر والسلوان
انا لله وانا اليه راجعون