ســـــــــــواليـــــــــــــف

[صدى الأشجان]

بسم الله الرحمن الرحيم00

اعضاء منتدى نعام00

هذي الصفحه او هذا الموضوع خاااااااااااص باللي يبي يسولف ويوسع صدره

ويعلق على الثاني ويفش خلقه فيه بس بحدود ومن دون زعل 00

يعني بدل مانخرب بعض المجالس بالهوشات والردود اللي فيها سواليف

سويت لكم هالموضوع وطبوا على راحتكم 00


ومشكورين00


ارجو انها فكره حازت على اعجابكم00

تحياتي00

[السامر]

مشكورة يا صدى ويالله شدوا حيلكم

[صدى الأشجان]

يخ يخ يخ00

مشكور على الدعم00

[نعاميه]

فكرتك روووووووووووعه..

وش تبوون نسوولف عنه..

[السامر]

احمدوا ربكم لاقين واحد يدعمكم

[صدى الأشجان]

يالله انا اول وحده بتسولف00

مسكينه وحده تدعم عمره :(

المهم بذكر لكم موقف خيااااااااااال صارلي انا واختي00
مره كنا على بالنا وكالعاده طالعين تالي الليول عند بابنا المسكر يعني اصلا حنا طالعين من الباب الخلفي وجالسين نسولف على بالنا مسويات المهم وكان بعد الساعه عشر تقريبا واهلي ناموا واصلابيتنا يمه مزرعتنا وفجأه بينما كنا نسولف الا وجانا ذاك الصوت اللي خلى عظام فقراتنا تفكك وشوي شوي وهويقرب وانا وياها خلاص ماعادفينا انهبلنا تخيلوا اشكالنا متمسكين ببعض وهات يانواح يحليلنا نتشهد بعدوبعدها الصوت والخرفشه تزيد وتقرب منا وماقدامنا الا يااحديفقدنا ويفتح الباب والانهج على الطريق اللي يودي للشارع
وحنا نناظرالاوطلع الوحش الكاسرتخيلوا وش صار


الله يخلف صارحوش الغنم مهجوج وظهرن وعلى بالنا انه وووووحش

اصلامهبوله عادفي نعام وحوش00

يالله عاد شاركوا00

[صدى الأشجان]

ياحبي لك يالغاليه من الخباله ماشفت ردك اسفه

اكتبوا اللي في خاطركم اي شي تعليق على احد او موقف واي شي يخلينا نوسع صدورنا

[السامر]

انا صار لي موقف مع واحد من الشيبان كنت جالس معه وسواليف وسعة صدر وعلوم زينه واخر شيء

خربتها معه ودليت استهبل عليه وامزح معه مزح ثقيل ودليت اهزيه ليييين ظهرت ريحته اخر شيء قام

قلت تعال اقعد جعلك المقعد يوم شفته ناوي علي شيء قلت تعال يا عم الله يجمعني انا واياك في جنات

النعيم.....رد وقال من الضيقه......: لو أشوفك في الجنة ظهرت منها...>>>واثق انه بيدخل الجنه

[اللي حضرت]

وجعين تتهزى بالرجاااااااااااااال

والله يخلي لنا اختنا الغاليه صدى لوماكتبت هالموضوع كان هزأت فيك في اي
موضوع لك واخربه
خخخخخخخخخخخخخخخخخخخخخخ

[صدى الأشجان]

هههههههههههههههههههه

والله على قولت المثل يبي يكحلها عماها00

مشكوووووووووووورين كلكم على المرور

[نعاميه]

قبل فتره.. انا وبنت عمتيه في الكورنيش..
كنا جالسيين نتمشى لحالنا..
والله ومع السوالف..
ضيعنا الدرب..
نلف يمين يساار ياهووه وين العالم..
مكاان اول مره نشووفه..
ونرجع مالقينا احد...حولنا نعرفه..
والمشكله الساعه 12 بالليل..
بدت الشرطه تدور وتشوف الاوضاع على الكورنيش..
ومروا من جنبنا..
مستغربييييين..
وااضح من شكلنا انا خااايفااات.

ونمشي بسرررعه..
وعبايتنا رافعينها..
والله كأننا بزراان بااقي شوي ونصييح..
ونجلس تقريبا..اكثر من نص سااعه وحنا رايحين راجعيين..
ماندري حنا ويين فييه..

ونشوف دورة ميااه الله يكرمكم..
ونوقف عندها..نبي نسال اي احد..

بس كل اللي يمروون شباب..
وتعرفوون حركات الشباب..
والله وعجزنا نتحرك من الخوووف..
ومن بعييد اشوف هيئة وااحد مب غرييبه علي..
رحنا له نركض.
اشكالنا غلط قداام العالم..
ويوم ادري الا انه خاالي..
ونسأله وين اهلنا جالسيين فييه..
ومسويين حالنا بريئات وماضعنا..
والله لو يدروون ماخلونا نمشي لحالنا ابد..
ورجعنا عندهم..قالوا لنا وييينكم..قلنا والله جالسين نتمشى قرييب من هنا..
والحمدلله مافييه احد كشفنا..

والله كل مارحنا لكورنييش..نجلس نضحك ونتذكر اشكالنا يوم نركض والعالم تناظر لنا..
تقوول بدويااات..اول مره يشوفون لهم بحر..وحنا كنا من الخووف ناندري وش نسوي..
وكورنيش الدمام..هذا لنا مواااقف فييه ماتنعد..
ذكريات رووعه..

وسلاااااااااام..

[صدى الأشجان]

والله موقف روووووووووعه يموت من الضحك

مشكوره

[السامر]

وانا صار موقف لاحد البزارين يرويها واحد من اخوانه

يقول ان اخوي الصغير يلعب بغرشة الطيب وقام وفك غرشة الطيب ونقطت على عيونه ويوم جاء بيمسح عينه لين يديه كلها طيب>>>>خخخخخخخخخخخ والمسيكين قام ويفرك عيونه وفي يديه الطيب<<<<يقول والله انه قاعد له ساعة مغمض معاد شاف>>>>

[اللي حضرت]

فيه واااااااااحد انلعب عليه كم مره والله لو يدري زنط اللي لعبت عليه

هماه مسوي فاهم رحمته يحليله لوتعرفونه وتعرفون اللي لعبت عليه

بتموتون ظحك وانا اقوله ترى عادي كلامك وتصرفاتك مااثرت

وقسم بالله الى الان وهو يلعب عليه واللي قاهرني يقول لي طرقي الخاصه 00

وسلاااااااااااااامتكم00

[اللي حضرت]

بس نسيت حاجه ان كيدهن عظيم00

[السامر]

فيه واااااااااحد انلعب عليه كم مره والله لو يدري زنط اللي لعبت عليه

هماه مسوي فاهم رحمته يحليله لوتعرفونه وتعرفون اللي لعبت عليه

بتموتون ظحك وانا اقوله ترى عادي كلامك وتصرفاتك مااثرت

وقسم بالله الى الان وهو يلعب عليه واللي قاهرني يقول لي طرقي الخاصه 00

وسلاااااااااااااامتكم00

اقول وضحي كلامك اكثر

وترنا عرب مو عجم

تكلمي زيييين يالسحليه>>>> ياكبيرة السحالي>>>>خخخخخ

[اللي حضرت]

ههههههههههههههههههاههههههههههههههههههههههههههههههه هههههههههههههههههههههههههههههههههههههههههههههههههه هه000

واضحه مايحتاج بس تعجبني00

[اللي حضرت]

ماتعرف للاملاء يالمجهول يوه

نسيت انك توك بزر00

اذا تبي اجيب لك كتاب الاملاء اللي عند اختي اناحاضره00

[المجهول]

ماتعرف للاملاء يالمجهول يوه

نسيت انك توك بزر00

اذا تبي اجيب لك كتاب الاملاء اللي عند اختي اناحاضره00
أٌقول ياللي حضرت اعقلي أحسن ولا-----------------

[صدى الأشجان]

يحليلكم خاصه انت ياامير والمجهول واللي حضرت

عسى ماتماعطتوا بالكشوش بس

يالله اهم شيء شاركتو00

[فديتك يا نعام]

هههههههههههههاي

يا حليلكم وسواليفكم

والله ان صدى سوت فيكم خير على الموضوع الجميل

والله رفهت عليكم شوي

ولي رجعه باي

[اللي حضرت]

شفت انه خبل وفضيحه00

ونكبه صدق بكل ماتحويه الكلمه من معاني


هههههههههههههههههاي

اجل دريت00

[فديتك يا نعام]

هههههههههههههههه

بدون تعليق يالي حضرت

سولفي بس

انتو ليش كذى يا اهل نعام تحبون القافه

امزح امزح

قصدي تحبون الأستطلاع

[اللي حضرت]

اولا:
اللقافه ماتنكتب كذا{{القافه}}

تبي تسوي زي البزر اللي كاتب اسم مها غلط {{مهى}}


وينكم فيه مادرستوا إملاء وخط

ترى تعبت ماوراي الا انتوا اصحح لكم00


ثانيا:

محناش ملاقيف بس الخباله في اللي يفضحون اعمارهم00


ثالثا:


مشكور00



خخخخخخخخخخخخخخخ00

[فديتك يا نعام]

اولا:
اللقافه ماتنكتب كذا{{القافه}}

تبي تسوي زي البزر اللي كاتب اسم مها غلط {{مهى}}


وينكم فيه مادرستوا إملاء وخط

ترى تعبت ماوراي الا انتوا اصحح لكم00


ثانيا:

محناش ملاقيف بس الخباله في اللي يفضحون اعمارهم00


ثالثا:


مشكور00



خخخخخخخخخخخخخخخ00


والله انكي رايقه يالي خضرت

ماقلت انكي ملقوفه والدليل حتى كتابتي ما سلمت منكي ؟؟؟؟؟؟؟؟

بس يالله مافيش اشكال

مهى ههههههههههههاي

بلاهي منهو

شكلها دقه قويه في احد الاعضاء بس منهو خخخخخخخخخخ

[اللي حضرت]

يالذكي معرووووووووووووووووف

ماشفت المناوشات اللي بيني وبينه حتى انه جاء بيصقعني بالنعله قمت انا كسرت سيارته اللعبه00

البزر ماعرفته والاتبي اكثر00

[صدى الأشجان]

شكرا لكم على التفاعل00

[صدى الأشجان]

عندي لكم مقلب تحبه قلوبكم 00

اخوي كان مره من المرات شاري عصير الظاهر انه بالتوت او اي نكهه مقاربه 00

وخلاه بالثلاجه فتره وبعد كذا كانت اختي جايه لنا وبالبديهي الاولاد الصغار يدخلون لغرفته دايم ويجلسون معه المهم اخوي ذا فيه نذاله موطبيعيه قام وطلع العصير وشكله كان منتهي تاريخه بعد وعطاه لولد اختي الصغير عمره سبع سنوات وقاله تبيه ذاك ماصدق ونتفه على طوول وبعد ما كبه ببطنه قاله اخوي هاه حلو قال يوووووووووه يهبل ياسلام تخيلوه عاد جالس يدوربيده على كرشه00

وبعد شوي قال اخوي ألعب عليك منتهي العصير والله يوه يالثور تحس بشيء قال ذاك هاه ياربيييييييييييه الا قال اخوي ماتحس ان بطنك يقول كذا قال الا وبدا يفقش ويصيح قال اخوي طيب ماتحس ان فيك شيء يقول بك دم دم دم00
ههههههههه خلوني اضحك شوي00

قال الا ومازال يصيح قال اخوي طيب ماتحس ان فيه شيء هنا يتحرك ذاك ايه ايه وتصحبها نوبة بكاء

وجلسواعلى هالحال تحس وايه لين ماقاله يربيه بتموت تشهد والمسكين مصدق وبعدها قاله طيب تدري انك كذااااااااب وانا اصلا انصب عليك00

هاه وش رايكم والله مقلب شيء00

بس بعدها ماخلتنا امه من لسانها00

ومشكوووووووووورين00

[السامر]

خخخخخ

مشكورة يا صدى

[صدى الأشجان]

مشكور امير

[اللي حضرت]

شوفوا يااعزائي الزوار والاعضاء ماتلاحظون ان المنتدى خرب و

كثرت المشاكل فيه من يوم ماقط هالنتفه اللي ما تقدر مصيبعاتي تكتب اسمه لأني بصراحه اقرف لين شفته متصل ياناس مسوي فاهم واهو اكبر دلخ تواجد على ارض نعام والكره الأرضيه بكبرها ما ادري وش يبي هالبزر عشان يشاركنا بالمنتدى حنا يالكبار00

اقول يال---- اوف يا خي ما لي نفس اكتب اسمك انت ماتفهم 00

اسمع ارجع مع المبزره اللي زيك ألعب بالكوره برا يالله ضف وجهك يابزر00

[اللي حضرت]

انت يالبزر وش رايك اغير لقبي الى قاهرة المجهول00

كككككككككككككككككككككاكككككككككككككككاكاي00

[صدى الأشجان]

ودي لومره اشوف عدد الاعضاء كبير بس شكل الكل بيقول لي تبطين

يالله سلام بروح اتعشى00

[السامر]

الأخت صدى تم تعديل الموضوع

http://ahyaarab.net/images/286.gif

[صدى الأشجان]

مشكور الله يعطيك العافيه00

ماقصرت 00

[السامر]

اذا كان فيه اسم ثانيه على بالك مو مشكله عطينياه

[صدى الأشجان]

بالعكس الاسم مناسب جداجدا جدا00

[اللي حضرت]

السلام عليكم00


وين الناس وش اخباركم وش سويتوا بعد ماسكر المنتدى وين رحتوا ووين جيتوا ياعالم صح بغيتوا تصيحون مثلي المهم انا رحت للجيران اضطراري بعد والا ما ودي تقولون مغصوبه 000


يالله عاد ارجعوا وهستروا من جديد ورجعوا الوناسه والا تعودتوا على الخمول؟!!

[صدى الأشجان]

هلا وغلا باحلى منتدى في العالم 00

ياي اخير مليت وانا انتظر هاللحظه طفشت وزهقت ياحبي لنعام طول هاليومين وانا مسويه دوريه فتح مافتح فتح ما فتح00
والحمد لله اخيرا 00

[صدى الأشجان]

حبايبي اعضاء منتدانا الغالي والله ماكان ودي ابتعد عنكم بس الظروف

دائما تغلبنا والله مااعرف شلون بشكر لكم تعاونكم معاي ومساعداتكم لي

وردودكم الحلوه اللي بمواضيعي المتواضعه جدا 00

الله يخليكم ان كان لي رجعه ماابي ارجع وألا قي الكل رحل ابيكم تزيدون

وبصراحه ماادري هل انا اخطيت بحقكم والا لا00

على العموم سامحوني وحللوني00

تقبلوا احلى تحيه من اختكم صدى :) 00

[السامر]

وين صدى

بالراحه تقولينها

وبعدك توك جديده ما امداك تخطين على احد بالعكس انتي الكل في الكل

لا حاولي تغلبي على ظروفك وعودي لنا

[اللي حضرت]

صدى وين يالغاليه تو الناس على الوداع الحين انتوا وشلون صايرين عضو يدخل وعضو يطلع والله ماصارت 00

حياتي اتمنى انك تتغلبين على ظروفك وترجعين تنورينا من جديد00

[بنت ابوها]

سلاااااااااااااااااااااام للكل

أول شيء ارحب ب (صدى الأشجان واللي حضرت)

وأقول تو ما انور المنتدى

وياريت يا صدى تتراجعين عن قرارك في ترك المنتدى

واقول لأمير السبعان تراني رجعت ومعاي بنات كثاااار يعني الله يعينك علينا

أما فديتك وش حليله مسالم

والمهاجر الحزين والله عليه حركات تشبه حركات أمير السبعان في الطقاق بس حلللوه

المهم

أناشدكم أيها الأعضاء الأكارم من هذا المنبر<<< لا يكثر بس

أقول شدوا حيلكم والله الله بالمنتدى

ترى كل واحد يكتب كلمة بالمنتدى راح نشوف ونقيس كيف يغلي نعام

يعني اللي يتحمس ويشارك ويتعاون هذا راح نسميه مجنووون نعام

يله شدوا حيلكم

سي يو سون

[اللي حضرت]

هلا يالهلاليه وين الناس بصراحه مالك حق تخلين نعام 00

بس حمدلله على السلامه وننتظر مواضيعك الحلوه 00

سلااااااااااااااام00

[صدى الأشجان]

ياحليلكم اثر فيكم الموضوع اجل 00


























تعيشون وتاكلون غيرها 00


الحين عرفت غلاتي عندكم00



تسلمون كلياتكم يالمخفه00

[السامر]

خخخخخخخخ

الله يرجك >>>يا كبيرة السحالي<<< ماعليش هذا لقب جديد

[فتى الحسينيه]

اجل مخفات شوي علي يا صدى باوريكي انتي والمبزرة اللي معك واولهم اللي حضرت ابخيلها تحضر يوميا لمستشفى النقاهه

[صدى الأشجان]

ماامداك جاي وحاط الشر براسك 00

كثر منها يعني وش بتسون صور قديمه هالحركه 00

[السامر]

خخخخخخخ

كثر منها يعني وش بتسون صور قديمه هالحركه 00

؟؟؟؟؟؟؟؟

[اللي حضرت]

اقول خلك عند بعارينك احسن لك 00

لاتتدخل في شيء مالك سنع فيه00

[فتى الحسينيه]

اي بعارين

ما عندنا الا بقر زيك

[اللي حضرت]

انت عارف اي بعارين00

[فتى الحسينيه]

لا شكلك مشبهه

[اللي حضرت]

اذا صرت انا عارفتك ومتأكده بعد لاتحاول تموه00

بس انا ماودي اعلنها امام الملأ00

[فتى الحسينيه]

طيب طيب يا سحليه ا

[صدى الأشجان]

اسمعوا ياهوه كنكم قلبتوا الموضوع لهواش همجي اعقلوا والا-----

النظام هنا يفرض على الكل انه يتطاق بس باحترام 00

تحياتي000

[صدى الأشجان]

يااااااااااااااااااااااااااااا نااااااااااااااااااااااااااااااااااااااس

وين رحتوا والا ماتدخلون الا على الفجريه00

اجل بجلس لحالي00

[المجهول]

أقول يا أمير السبعان يحليل البزارين وهم يطاقون مثل (--------------------و--------------------)

[السامر]

عندي موقف صار لي الفجر امس وانا كنت مواصل رحت اصلي الفجر بالمسجد اللي عندنا بالحاره وطبعا

انا واعوذ بالله من كلمة انا قاعدن اهوجس في صلاة االفجر اتذكر لي موقف طقاق وكنت متحمس وانا

اهوجس وشوي مع التفاعل في الهواجيس الين اني ما دريت الا رجليني فوق واشواء ان ما فيه احد

وراي والقط عفشي واهج مع الباب والكل يطالع وش فيه >>> ما دروي اني ماكلها

وشكرا هذي موقف صار لي في صلاة الفجر والله لا يعيده من موقف

[صدى الأشجان]

يوه تمنيت اني فيذا اللحظه ولد عشان اشوفك

خخخخخخخخخخخخخخخخخخخخخخخخخخخ

من جد مسكين تموت من الضحك 00

عسى ماتعورت بس00

خخخخخخخخخخخخخ00

[السامر]

لا بس اني صحصحت شوي وطار عني النوم

[المجهول]

هههههههههههههههههههههههاي موقف مضحك هههههههههههههههههههاي

[اللي حضرت]

أقول يا أمير السبعان يحليل البزارين وهم يطاقون مثل (--------------------و--------------------)

هههههههههههههههه00

وش تقصد بالبزر00

والله عشنا وشفنا البزران كبروا00

[المجهول]

أقول ياللي حضرت هذا كلام بس مهوب فعل ولاتبطين وكلي تراب أنتي يالسحليه

[السامر]

تم اغلاق الموضوع ونوجه انذار اخير للمجهول والا سيتم ايقاف العضويه

[السامر]

تم فتح الموضوع والرجاء عدم مجاوزة الحدود في الكلام

[صغيره بس خطيره]

يوه فله مسوين كذا في المنتدى(منتدى ثاني بس موتو ماني قايله وشو) اللي انا فيه اخس حركات اخاف بس انكم سارقين الفكره
الا اكيد لان ماسواها الا مخرشنا نحن اول من اخترعها والكل قلدنا

اقول امزح لااحد يزعل ترى انا مااحب المشاكل ياداخلين يكفيكم شر اللي بيدخلون الحين00

والله محششه معليش ماشربت حليب اليوم لا اكذب توني شاربه الا تشربونه ترى والله رهيب خاصه لين كلكم الحر تراي مجربه

منعش مومربح هالبقالات الا انا وعلى فكره تراه نوعين طبعا اللي انا اشربه

واحد الطازج والثاني السعوديه هذا اللاعب الاحتياطي اذا ماجابوا الطازج وخاصه يوم الجمعه طب اللاعب الآخر(السعوديه)00

اهم شي يالله وينكم شرفوا فين غبتم 00

سيااااااااااااااااااااااات00

[صغيره بس خطيره]

اقول اسمعوا عندي فكره بس ماراح تعجبكم انا داريه

شوفوا وش رايكم بما ان وان لها اختها كلا وليس وماادري ويش

ماعرف عربي معليس 00

بصو انا اقول ياجماعة الربع بما ان (والله غثتهم اخلصي)

اسمعوا مدري اقروا مدري ناظروا 00

باختصار اقول ورا ماتحطون مراقب لمجلس المحاشيش اقصد الوناسه

ووش رايكم يكون


يكون



يكون


بثرتها



بس يكون


اخاف ماتوافقون


بالطقاق اهم شي الأخلاق(سين سؤال ليش يكتبونها دايم والله مقططتها مافهمت معناها)00


يكون ياناس المشرف القديد اللي




اللي


يالله قولوا اللي


احسن ماني قايله لكم اول اسمع صوت(هذي الجمله العاده وين تسمعونها

انا اسمعها بأهلا أهلا)00


يحليلهم من سنه ماشفتهم والله مغبرين


الزبده العضو اللي يستاهل يكون مشرف



لالا مو انا ماش انا لو اصير مشرفه حششت عليكم وخربتها00



اقول حطوا موضوع ثاني وتناقشوا لاني اناظر انه يكون له مشرف

لان المخرفين اللي زي حضرتي رايحين فيها واخاف يسون حاجه الله يستر بس00


سلمات يالله باي00

[زيد آل هلال]

زور بن الزرزور اللي عمره ماحلف ولا كذب زور .....
في قديم العصر والزمان كان فيه ملك ورى البحور السبع اسمه ملك الزمان
..... آآآآآآآآو جاني النوم ياعيالي اكمل لكم في الحلقه الياية

[صغيره بس خطيره]

اول ماقريتها على بالي زورو

بس اللي اخبره الزرزور طائر الظاهربعد لاني قدسمعت كذا بفلم كرتوني والله

بس تو الناس وين القصه00

[فديتك يا نعام]

يمدحون النوم

ههههههههههههههه

زيد حرق اعصابها خخخخخخخخخخخخخخ

[صغيره بس خطيره]

يالهوي من جد اتصل على المطافي والعالم راح تنادي (مسويه بليغه)00

وش السالفه منهي اللي انحرقت اعصابها00

يمدحون اللقافه00

خخخخخخخخخ

[بنت ابوها]

سلام على كل الأعضاء

راح أقول لكم موقف حصل لي من كم يوم بس صراحة من جد جلست ألقط وجهي بعدها

السالفة هي،،

كنت أنا وأختي بمحل (جزم) وانتوا بكرامة ،، المهم أشوف المحل ما شاء الله كبير
وجالسه أمشي وانا أطالع بالجزم ،، بعدها وقفت لأن فيه وحدة كانت معترضة طريقي

رفعت راسي وقلت لها (لو سمحتي ممكن شوي) الحرمة ما ردت علي ولا تحركت وحاطة عينها بعيني
،، طبعا أنا قلت بأكسر عينها ،، وجلست أطالعها
لاحظت عبايتها مو غريبه علي ،، وبرضو شنطتها تشبه لشنطتي
وبعدها عرفت
انه في نهاية المحل مراية كبيــــــــــــــــــرة ،، وانه الحرمه اللي كنت احاكيها أنا .....

طبعا التفت أشوف أحد يشوفني والا لا لقيت الكاشير وده ينفجر ضحك بس مستحي
وأختي طلعت من الحل وتسدحت من الضحك وتقول لي فشلتينا

بس هذي سالفتي

ويله عاد اضحكوا حتى لو السالفة ما تضحك

[الحوريه]

ياهلا بالهلاليه موقف روعه والله يستر بس لايتكرر00

لاتخافي ضحك ضحك شي 00

بس على طاري السوق وماالسوق ماتلاحظون ان هالهنود والمصريين اللي يشتغلون بالمحلات دايم يستهبلون ويقولون كلام استحي اذكره من كم يوم صاير معي موقف سخيف مع واحد منهم الله والا مسكين ماراح ادعي عليه هوووجهه صجني كل مادخلت قال كلام زي وجهه
صراحه بعد هاللي صارلي اتمنى يوظفون شبابنا اخير من قليلين الادب هذولي لاببلدنا ويحارشونا صدق وقحين00

وسلامتكم كلكم00

[بنت ابوها]

هلا بالحورية ،،

أهم شيء انك ضحكتي والا لو ما ضحكتي على سالفتي زعلت منك << لا تكفين
تسلمين يا الغلا

وبالنسبة للبياعين الغير سعوديين ،، والله لحد الان ولله الحمد ما شفت شيء
بس انا معاك وحده من صاحباتي قد صار لها موقف مع واحد (يمني) من جد قليل أدب
والمشكلة أمها كانت معاها

وبالنسبة للسعوديين بصراحة والله حتى لو ما تكلموا تكفيك نظراتهم بصراحة وقاحة بكل معنى الكلمة

بس الله يستر علينا وعلى جميع المسلمين والمسلمات

[صغيره بس خطيره]

تعااااااااااااااااااااااااااااااااالوا وين هجيتوا ليش كذا

ليش كل ماتصفحت منتدى لقيت الاعضاء اللي فيه يوصلون اكثر من 30و70

عضو والله اني امس شفت في منتدى ثاني الاعضاء اللي فيه 100والمتصفحين الضيوف قربوا للميتين

وش ناقصنا عنهم ليش نخرب المنتدى بالطقاق ونحوسه ترى هذا اللي خلى الناس ماتفكر تدخله

ارجعوا وجددوا منتداكم هماكم تقولون نعام ونعام والله انتوا مقصرين

ولا احد يقول اني غلطانه ياعالم ادخل وماالاقي الا عضوين وبالكثير سته ليش وين المنتسبين الباقين لاتقولون ظروف الكل عنده بس مو لها لدرجه عاد

من الحين بتجون والا لا00

عطوني جواب موكل مره والثانيه اجلس لحالي00

[فديتك يا نعام]

سلام على كل الأعضاء

راح أقول لكم موقف حصل لي من كم يوم بس صراحة من جد جلست ألقط وجهي بعدها

السالفة هي،،

كنت أنا وأختي بمحل (جزم) وانتوا بكرامة ،، المهم أشوف المحل ما شاء الله كبير
وجالسه أمشي وانا أطالع بالجزم ،، بعدها وقفت لأن فيه وحدة كانت معترضة طريقي

رفعت راسي وقلت لها (لو سمحتي ممكن شوي) الحرمة ما ردت علي ولا تحركت وحاطة عينها بعيني
،، طبعا أنا قلت بأكسر عينها ،، وجلست أطالعها
لاحظت عبايتها مو غريبه علي ،، وبرضو شنطتها تشبه لشنطتي
وبعدها عرفت
انه في نهاية المحل مراية كبيــــــــــــــــــرة ،، وانه الحرمه اللي كنت احاكيها أنا .....

طبعا التفت أشوف أحد يشوفني والا لا لقيت الكاشير وده ينفجر ضحك بس مستحي
وأختي طلعت من الحل وتسدحت من الضحك وتقول لي فشلتينا

بس هذي سالفتي

ويله عاد اضحكوا حتى لو السالفة ما تضحك





هههههههههههههههههههههاي

الله يفشلكي فشلتينا

هاذا دليل على الغباء الزائد
غبيه <<<<<<<<<<<

بس مو مشكله انا بقول موقف حصل علي زي الي حصل على الهلاليه

وانا كنت في محل حلاقه وتوني محلق ومتشخص

والمحل واجهته كلها قزاز وانا يوم دخلت مع الباب كان الباب مفتوح

ويوم طلعت كان مسكرررررررر وانا مع طلعتي له كنت مستعجل ولا دريد كانو ملمعينه

المهم وانا طالع بسرعه ويصقع وجهي بالباب لين انكسر خشمي

وكان عند الباب حرمه الله يجزاها بالخير قاعده برى عند الباب تحتري ولدها يحلق

وانا روعتها ذيك الترويعه

بس خذت حقها مني يوم فطست علي ضحك

وانتهت القصه

بس على الاقل ارحم من ذالخبله الي بغت تطاق نفسها

الله يشفيها هع هع هع

مريضه <<<<<<<<<<<

وبسسسسسسسسسسسسسسسسسسسسسسس

[السامر]

هههههههههه


الله يرجكم اثنينكم

[بنت ابوها]

هههههههههههههههههههههاي

الله يفشلكي فشلتينا

هاذا دليل على الغباء الزائد
غبيه <<<<<<<<<<<

بس مو مشكله انا بقول موقف حصل علي زي الي حصل على الهلاليه

وانا كنت في محل حلاقه وتوني محلق ومتشخص

والمحل واجهته كلها قزاز وانا يوم دخلت مع الباب كان الباب مفتوح

ويوم طلعت كان مسكرررررررر وانا مع طلعتي له كنت مستعجل ولا دريد كانو ملمعينه

المهم وانا طالع بسرعه ويصقع وجهي بالباب لين انكسر خشمي

وكان عند الباب حرمه الله يجزاها بالخير قاعده برى عند الباب تحتري ولدها يحلق

وانا روعتها ذيك الترويعه

بس خذت حقها مني يوم فطست علي ضحك

وانتهت القصه

بس على الاقل ارحم من ذالخبله الي بغت تطاق نفسها

الله يشفيها هع هع هع

مريضه <<<<<<<<<<<

وبسسسسسسسسسسسسسسسسسسسسسسس

هههههههههههههههههههههههههههههههه

والله أحس وجهك طاح

أنا عالأقل متغطية ما أحد عارفني

بس انت لو يشوفك الحلاق والا الحرمه اللي كانت بالسيارة بتقول

هذا اللي صقع بالواجهة هههههههههههههههههه

لو أنا مكانك غيرت المدينة اللي أعيش فيها

[طه طه طه]

صبح الخير نعام واهل نعام مشتاق اشوف الديرة بس ما أقدر

[صغيره بس خطيره]

صباح الخيرات وينك من زمان من يوم ماشفت اللقب وانا غافله من الضحك

[طه طه طه]

معليش بس حرف الالف عجاز ما يبغى يبين في كلمة صباح الخير

[طه طه طه]

ليش سلا متك اضحكي بس لا تغفلين

[صغيره بس خطيره]

خخخخخخخخخخخخ

فضحت عمرك ماانتبهت لها بس يالله شد حيلك ووسع صدورنا

[طه طه طه]

ه\ي ا و ل م ر ة ا ا د خ ل ا ل م و ق ع سامح و ن ي ع ل ى ا لت ق ص ي ر

[صغيره بس خطيره]

ل ي ش م ف ص ل ا ل ح ر و ف ا ع م ي ت ن ا

[طه طه طه]

ايه الحين اعرف اكتب زين لانه كان معي شهاق عنيف

[صغيره بس خطيره]

اقول يالسامر وين تصفح الجرايد من هنا وين الموضوع دورته ماحصلته

[صغيره بس خطيره]

ماشاء الله عليك وانت جسمك كله متصل مع بعض خخخخخخخخخخ

[بنت ابوها]

منور أخوي طه

شد حيلك وخلنا نشوف إبداعك

احترامي لك

[طه طه طه]

الكي بورد راح فيها من الشهاق

[صغيره بس خطيره]

هههههههههههه اتخيل شكلك وانت ماسكها معك وتنط معها

ههههههههههههههههههههههه

[طه طه طه]

منور المكان بوجود الحاضريت كلهم وتسلمين يالهلالية على الترحيب

[طه طه طه]

لو شفتي الموقف. انط بلحالي بس الكبة صارت مخرمة من اصابعي

[صغيره بس خطيره]

الهلاليه ماحصلتي تصفح الجرائد من هنا والله مالقيته والاخ شكله نام

[صغيره بس خطيره]

كبه انت جايع

ههههههههههه

[طه طه طه]

ملاحظة: الكبة= اختصار الكيبورد

[طه طه طه]

محاولة فاشلة للترقيع

[صغيره بس خطيره]

طيب وش دخل الهاء

[صغيره بس خطيره]

شكلك رايق بالمره ودي اعرف ليش مصبح على العالم في اول مجلس